મુખ્ય  /  વ્યવસાય

અમદાવાદ વ્યવસાય હબ

રેસ્ટોરન્ટ, ડૉક્ટર, વકીલ, ચાર્ટર્ડ એકાઉન્ટન્ટ, આર્કિટેક્ટ, સ્ટાર્ટઅપ અને રોજિંદી સેવાઓ — અમદાવાદને ધબકતું રાખતા વ્યવસાયો શોધો અને જોડાઓ.

શ્રેણીઓ જુઓ

શ્રેણી પ્રમાણે જુઓ

બિઝનેસ

અલ નીનોની અસરથી મોંઘવારી બેકાબૂ બનશે

અલ નીનોએ દેશમાં કઠોળ, ખાંડ, તેલિબિયા ને ચોખા જેવા આવશ્યક પાકોના ઉત્પાદનને ગંભીર અસર કરી છે. તેને અત્યાર સુધીનો સૌથી શક્તિશાળી અલ નીનો માનવામાં આવે છે. એવી આશંકા છે કે આનાથી ભારતને ખાદ્ય ચીજોની આયાત કરવાની ફરજ પડી શકે છે. વધુમાં, ભારતે આ નાણાકીય વર્ષમાં પશુ આહાર અને કૃષિ કાચા માલની આયાત વધારવી પડી શકે છે. સુત્રોના જણાવ્યા અનુસાર, દુષ્કાળને કાણે પાક ઉત્પાદનમાં ઘટાડો થયો છે, જેના કારણે પુરવઠા અંગે ચિંતા વધી છે. દરમ્યાન ઉદ્યોગ ખર્ચને નિયંત્રિત કરવા માટે આયાતમાં સરળતા લાવવાની માગ કરી રહ્યો છે. ખાંડ ઉદ્યોગને કાચી ખાંડની આયાતની સમયમર્યાદા લંબાવવાની મંજુરી મળી ગઇ છે. સોયાબીન ખોળ અને મકાઇની આયાત સાથે ખાદ્ય તેલની આયાત પણ વધારવાની જરૂર પડી શકે છે. ખરીફ સિઝન દરમ્યાન સોયાબીન અને મગફળીના ઉત્પાદનમાં ઘટાડો થવાની ધારણા છે. વધુમાં, શિયાળાના સરસવના પાક અંગે ચિંતા છે, જેના કાણે ખાદ્ય તેલની આયાતમાં વધારો થઇ શકે છે. મરઘા ઉદ્યોગ સોયાબીન ખોળ અને મકાઇની આયાત કરવાની પરવાનગી માગી રહ્યો છે. તેવી જ રીતે, કાપડ કંપનીઓ કપાસ પરની આયાત જકાત દુર કરવાની માગ કરી રહી છે. સ્ટાર્ચ ઉદ્યોગને ડર છે કે જો મકાઇનો મોટો હિસ્સો ઇથેનોલ ઉત્પાદન તરફ વાળવામાં આવે તો તેને ચીનથી સ્ટાર્ચ આયાત કરવી પડી શકે છે. આફ્રિકન દેશોમાંથી ભારતમાં સોયાબીનની આયાત રેકોર્ડ સ્તરે પહોંચી ગઇ છે. આનું કારણ એ છે કે ગત વર્ષે વધુ પડતા વરસાદને કારણે પાકને અસર થઇ હતી. આ નાણાકીય વર્ષમાં સોયાબીનની અછત ચાલુ રહેવાની ધારણા છે. કારણ કે મરાઠાવાડા, વિદર્ભ, તેલંગાણા અને મધ્યપ્રદેશના કેટલાક ભાગોમાં દુષ્કાળના કારણે પાક નિષ્ફળ ગયો છે. ભારત તેના કુલ ખાદ્ય તેલના વપરાશના આશરે 54થી 56 ટકા આયાત દ્વારા પુર્ણ કરે છે. ભારત તેની સ્થાનિક અછતને પહોંચી વળવા માટે વાર્ષિક આશરે 15થી 16 મિલિયન ટન વનસ્પતિ તેલની આયાત કરે છે. 2024-25માં કુલ આયાત 166.63 લાખ ટન હતી.

વધુ વાંચો
બિઝનેસ

દિવાળી બાદ ભારતમાં પેટ્રોલ-ડિઝલના ભાવ વધારો થશે

મીડલ ઇસ્ટના તણાવને લઇને જે રીતે ક્રુડ ઓઇલના ભાવમાં ઉછાળો આવી રહ્યો છે અને પાંચ મહિનાની ઉંચી સપાટીએ પહોંચી ગયું છે. અમેરિકા અને ઇરાન વચ્ચે સંભવિત હુમલાની આશંકા તેમજ ઇરાન સમર્થિત હુથી જુથ દ્વારા સાઉદી પર સતત વધતા હુમલાને કારણે આંતરરાષ્ટ્રીય ક્રુડ બજારોમાં ભાવમાં વધારો થયો છે. જેમાં બ્રેન્ટ ક્રુડ 114 ડોલર પ્રતિ બેરલ બોલાતો થઇ ગયો છે. જ્યારે ડબલ્યુટીઆઇ ક્રુડની કિંમત પણ 100 ડોલરને પાર કરી ગયો છે. આમ, છેલ્લા એક મહિનામાં બ્રેન્ટ ક્રુડના ભાવમાં 6.78 ટકાનો ઉછાળો નોંધાયો છે. ક્રુડ ઓઇલના વધી રહેલા ભાવથી સૌથી વધુ અસર ભારત પર પડી રહી છે. ભારતમાં આયાતી બિલમાં જોરદાર ઉછાળો આવી રહ્યો છે, આ દબાણની સામે ઓઇલ કંપનીઓને ભાવ વધારો એક જ વિકલ્પ રહ્યો છે. જોકે, આગામી સમયમાં દિવાળીનો તહેવાર હોવાથી આમ જનતા ઉપર ભાવ વધારો ઝીંકાય તેવું લાગતું નથી. પણ એવું સ્પષ્ટ માનવામાં આવી રહ્યું છે કે, દિવાળીના તહેવારો બાદ દેશમાં પેટ્રોલ-ડિઝલના ભાવમાં વધારો જોવા મળશે અને આ ભાવ વધારો પણ લિટર દીઠ રૂ. પાંચથી ઓછો નહીં હોય. જે પરિસ્થિતિ જોવા મળી રહી છે તેને જોતાં પેટ્રોલ અને ડિઝલમાં લિટર દીઠ રૂ. 10 સુધીનો પણ વધારો થઇ શકે છે. વૈશ્વિક પરિસ્થિતિ અને ખાસ કરીને મીડલ ઇસ્ટની સમસ્યાઓને જોતાં ટુંકસમયમાં આ સમસ્યાનું નિરાકરણ આવે તેવી શક્યતા ઓછી છે. જેમાં ઇરાન સમર્થિત હુથી બળવાખોરોએ જયારથી આ તણાવમાં ઝંપલાવ્યું છે, તેઓ સાઉદીને ટાર્ગેટ કરી રહ્યા છે, તેનાથી સાઉદી અરેબિયાની ઓઇલ રિફાઇનરીઓને મોટું નુકશાન થવાનો ભય છે. એટલું જ નહીં, લાલ સમુદ્રના બંદર યાનબુ પર પણ હુમલાઓ કર્યા હોવાની હુથી બળવાખોરોએ જવાબદારી લીધી હોવાથી આ તણાવ વધુ ગંભીર થઇ રહ્યો છે. બીજી તરફ, અમેરિકા અને ઇઝરાયલમાં મધ્યસત્ર ચુંટણી આવી રહી છે, તે દરમ્યાન બંને દેશો શાંત હોય તેવું લાગી રહ્યું છે, ત્યારબાદ અમેરિકા અને ઇઝરાયેલ સંયુક્ત હુમલા કરી શકે છે. બીજી તરફ, યુક્રેન અને રશિયા વચ્ચેનું યુદ્ધ પણ શાંત થઇ રહ્યું નથી, હવે યુક્રેને પણ રશિયાની ઓઇલ રિફાઇનરીઓને ટાર્ગેટ કરી રહી છે અને સતત હુમલા કરી રહ્યું છે. જેથી ક્રુડ ઓઇલના ભાવમાં ઘટાડો થવાની કોઇ સંભાવના દેખાતી નથી. હોર્મુઝ સ્ટ્રેટ પરથી પસાર થવાની સ્થિતિ સામાન્ય થઇ નથી, આ ખાડીમાં પરથી પસાર થતાં જહાજો પર હુમલા ચાલુ છે. આવનારા સમયમાં ઉર્જા કટોકટી સર્જાશે, ભારત જેવા મોટા ક્રુડના આયાતકાર દેશ માટે સમસ્યા વધુ ગંભીર બની શકે છે. જો આ સ્થિતિ 2026ના વર્ષ સુધી ચાલુ રહેશે તો ક્રુડ ઓઇલના ભાવ 150 ડોલર પ્રતિ બેરલને પાર નીકળી જાય તો નવાઇ નહીં. જેના પરિણામે ભારતને ભારે આર્થિક દબાણનો સામનો કરવા જેવો છે.

વધુ વાંચો
જીએસટી

જીએસટી રિટર્નની નવી બ્લુ પ્રિન્ટ આવશે

ભારત સરકાર દેશની અપ્રત્યક્ષ કર વ્યવસ્થાને વધુ પારદર્શક, સુલભ અને કરદાતાઓને અનુકુળ બનાવવાની દિશામાં એક મોટું પગલું ભરવા જઇ રહી છે. કેન્દ્રીય પરોક્ષ કર અને કસ્ટમ બોર્ડના કમિશ્નર ગૌરવસિંહે કહ્યું છે કે, નાણા મંત્રાલય 1લી નવેમ્બરથી માસિક જીએસટી રિટર્ન ફોર્મમાં સુચિત સુધારા પર વ્યવસાયો અને ઉદ્યોગો પાસેથી સુચનો મંગાવશે. આ પહેલનો મુખ્ય ઉદ્દેશ ટેક્સ જવાબદારીઓ અને ઇનપુટ ટેક્સ ક્રેડિટમાં મિસમેચ ઓછી કરવાનો અને કરદાતાઓને બિનજરૂરી ટેક્સ નોટિસથી રાહત આપવાનો છે. સીબીઆઈસીના વરિષ્ઠ અધિકારી ગૌરવ સિંહના જણાવ્યા અનુસાર, સુધારેલું જીએસટી રિટર્ન ફોર્મ 1 નવેમ્બરના રોજ સરકારના MyGov પોર્ટલ પર જાહેર પરામર્શ માટે અપલોડ કરવામાં આવશે. દેશભરના ઉદ્યોગકારો, ઉદ્યોગ સંગઠનો અને ટેક્સ પ્રોફેશનલ્સ 1 નવેમ્બરથી 30 નવેમ્બર સુધી આ અંગે તેમના સૂચનો અને ટિપ્પણીઓ નોંધાવી શકશે. આ સાથે 8 ઓકટોબરે યોજાયેલી જીએસટી કાઉન્સીલની 57મી બેઠકમાં લીધા મહત્વના નિર્ણયોને લગતા નોટિફિકેશન અને પરિપત્રોની ચકાસણી કાયદા વિભાગ દ્વારા પુર્ણ થઇ ગઇ છે અને શુકવારે તેને સાર્વજનિક ડોમેનમાં મુકવામાં આવશે. કેન્દરીય નાણા મંત્રી અ રાજ્યોના નાણામંત્રીઓની બનેલી જીએસટી કાઉન્સીલની 57મી બેઠક જીએસટી રિટર્નમાં જવાબદારીઓ અને ઇનપુટ ટેક્સ ક્રેડિટમાં સુધારા માટે વૈકલ્પિક વ્યવસ્થાને મંજુરી આપવામાં આવી હતી. આ સિસ્ટમનો મુક્ય ઉદ્દેશ રિટર્ન ફાઇલ કરતી વખતે વિગતોમાં અસમાનતા ઘટાડવાનો અને ટેક્સ ઓથોરિટીઝ દ્વારા જારી કરવામાં આવેલી નોટિસ અને નોટિસની સંખ્યામાં ધરખમ ઘટાડો કરવાનો ચે. ગૌરવસિંહે સ્પષ્ટતા કરી હતી કે, એકવાર આઇટીસી શ્રેણીની અખંડિતતા અને અખંડિતતાને લગતા મુદ્દાઓ ઉકેલવામાં આવશે, તે જીએસટી સાશનમાં વધુ માળખાકીય સુધાને વેગ આપશે.

વધુ વાંચો
ટોપ સ્ટોરીઝ

મસ્કની પોસ્ટઃ પ્રિય પ્રધાનમંત્રી અંબાણી, તમે જ ભારતના અસલી બોસ છો

સ્ટારલિંકના લાયસન્સના મુદ્દે વિવાદ ચગ્યો છે. વિશ્વના સૌથી ધનિક વ્યક્તિ ઇલોન મસ્કે ફરી એકવાર મુકેશ અંબાણી પર નિશાન સાંધ્યું છે, જેનાથી વિવાદ વધુ ચગ્યો છે. મસ્કે એક્સ પર પોસ્ટમાં લખ્યું છે કે, પ્રિય પ્રધાનમંત્રી અંબાણી, કૃપા કરીને મારી માફી સ્વીકારો. મને ખ્યાલ નહોતો કે તમે ભારતના અસલી બોસ છો. સ્વાભાવિક રીતે, તમે વર્ચસ્વ સાથે ભારતના મહાન લોકોનું શોષણ કરવાનું ચાલુ રાખવા માગે છો, પરંતુ શું તમે હજુય પણ સ્પર્ધા કરવાની મંજુરી આપવાનું વિચારશો. મસ્કે વધુમાં કહ્યું હતું કે, ભારતના ઘણા વિસ્તારોમાં ઇન્ટરનેટ એકસેસનો અભાવ છે, જેના કારણે બાળકો અભ્યાસથી વંચિત રહે છે અને નાના વ્યવસાયો વૈશ્વિક બજારમાં તેમનો માલ વેચવાની તકથી વંચિત રહે છે. આ સંદર્ભમાં કેન્દ્રીય સંચાર પ્રધાન જ્યોતિરાદિત્ય સિંધિયાએ કહ્યું હતું કે, ભારત કોઇપણ ક્ષેત્રમાં એકાધિકારને મંજુરી આપતું નથી સેટેલાઇટ કોમ્યુનિકેશન સેવાઓ માટે જિયો, વનવેબ અને સ્ટારલિંકને લાયસન્સ આપવામાં આવ્યું છે, જ્યારે એમેઝોન પણ લાયસન્સ મેળવવાની તૈયારીમાં છે. ઇલોન મસ્કે આરોપ લગાવ્યો હતો કે વ્યવસાયિક હિતોને કારણે સ્ટારલિંકનું લાયસન્સ રોકવામાં આવી રહ્યું છે. આ આરોપોને ફગાવતા સરકારે કહ્યું કે, તમા

વધુ વાંચો
બિઝનેસ

પશ્ચિમ બંગાળમાં અદાણી જુથ 4000 કરોડ રૂપિયાના ખર્ચે મલ્ટીસ્પેશિયાલિટી હોસ્પિટલનું નિર્માણ કરશે

પશ્ચિમ બંગાળના મુખ્યમંત્રી સુવેન્દુ અધિકારીએ કોલકત્તાના ન્યુ ટાઉન સ્થિત બંગાળ સિલિકોન વેલી ટેક હબ ખાતે 2000 બેડની ક્ષમતા ધરાવતા અદાણી આરોગ્ય મંદિરનો શિલાન્યાસ કર્યો હતો. પશ્ચિમ બંગાળના 2026ના હેલ્થકેર વિઝન સાથે સુસંગત એવા આ સંકલ્પનો અમલ અદાણી ફાઉન્ડેશન કરશે. આ પ્રકલ્પ અંતર્ગત વાર્ષિક 2 લાખથી વધુ ઇન ડોર દર્દીઓ અને 20 લાખથી વધુ આઉટ ડોર દર્દીઓને સેવા અપાશે. લગભગ 10 હજાર રોજગારીની તકોનું સર્જન ધરાવતા અને પુર્વ ભારત તથા તેની બહારના વિસ્તારો માટે વિશ્વકક્ષાનું એકેડેમિક મેડિકલ સેન્ટર અને વ્યાપક આરોગ્ય સંભાળ ઇકો સીસ્ટમ માટે રૂ. 4000 કરોડથી વધુનું રોકાણ કરાશે.

વધુ વાંચો
બિઝનેસ

એરપોર્ટ બિઝનેસમાં અદાણી વૈશ્વિક રોકાણકારો પાસેથી એક અબજ ડોલર ઉભા કરશે

અદાણી ગ્રુપની એરપોર્ટ કંપની અદાણી એરપોર્ટ હોલ્ડીંગ્સ લિ.એ વૈશ્વિક અને સ્થાનિક દિગ્ગજ રોકાણકારોના કન્સોર્ટિયમ પાસેથી આશરે રૂ. 9925 કરોડ એટલે કે એક અબજ ડોલરની પ્રાયમરી ઇક્વિટી મુડી ઉભી કરવાનો કરાર કર્યો છે. આ રોકાણથી એએએચએલનું પ્રી મની ઇક્વિટી વેલ્યુએશન આશરે 18 અબજ ડોલર આંકવામાં આવ્યું છે. આ રોકાણકારોમાં આલ્ફા વેવ ગ્લોબલ, પ્રેમજી ઇન્વેસ્ટ, ટેમાસેક અને બ્લેકરોક સંચાલિત ફંડસ સામેલ છે. ત્રણ તબક્કામાં થનારા આ રોકાણની તમામ પ્રક્રિયા પુર્ણ થયા બાદ રોકાણકારોનો એએએચએલમાં સંયુક્ત હિસ્સો આશરે 5.54 ટકા રહેશે. અંતિમ તબક્કો જુલાઇ 2027 સુધીમાં પુર્ણ થવાની અપેક્ષા છે. એએએચએલના જણાવ્યા અનુસાર, ઉભી કરાયેલી મુડીનો ઉપયોગ દેશના એરપોર્ટ ઇન્ફ્રાસ્ટ્રકચરના વિસ્તરણ અને આધુનિકીકરણ માટે કરવામાં આવશે. કંપનીનો હેતુ તેના એરપોર્ટ નેટવર્કની ક્ષમતા વધારીને વાર્ષિક આશરે 20 કરોડ મુસાફરોને સેવા પુરી પાડે છે. કંપની પ્રથમ તબક્કામાં આશરે 22 મિલિયન ચોરસ ફુટનું મિશ્ર ઉપયોગવાળું ડેવલપમેન્ટ ઉભું કરવાની યોજના છે. અત્રે ઉલ્લેખનીય છે કે, અદાણી એન્ટરના સફળ રૂ. 15000 કરોડના ક્યુઆઇપી બાદ અદાણી એરપોર્ટનું આ રોકાણ મહત્વનું માનવામાં આવી હ્યું છે. જુલાઇ 2026માં થયેલું આ ક્યુઆઇપી કોઇ નાણાકીય સિવાયની ભારતીય કંપની દ્વારા કરવામાં આવેલું સૌથી મોટું ક્યુઆઇપી હતું. એએએએચએલના નોન એક્ઝીક્યુટિવ ડિરેકટર જીત અદાણીએ જણાવ્યું હતું કે, ભારતનું ઉડ્ડયન ક્ષેત્ર દેશના જીડીપી વિકાસ માટે મહત્વનું ગુણક બની રહ્યું છે. એર કનેક્ટિવિટીના વિસ્તરણથી વેપાર, પ્રવાસન, રોજગાર અને પ્રાદેશિક વિકાસને વેગ મળે છે.

વધુ વાંચો
બિઝનેસ

ડાબર ઇન્ડિયાના જુઠ્ઠાણાંને FASSAIએ ખોલી નાંખ્યું

ફુડ સેફ્ટી એન્ડ સ્ટાન્ડર્ડ ઓથોરિટી ઓફ ઇન્ડિયાએ ડાબર ઇન્ડિયા લિ. સામે કડક કાર્યવાહી કરી છે. FASSAIએ 100 ટકા કુદરતી ઓર્ગેનિક ઉત્પાદનના દાવાઓને ગેરમાર્ગે દોરવા બદલ ડાબરના ઘણા ઉત્પાદનો પર પ્રતિબંધ મુક્યો છે. FASSAIએ ડાબર ઇન્ડિયાના અનેક ખાદ્ય ઉત્પાદનોના વેચાણ પર પ્રતિબંધ મુકવાનો આદેશ આપ્યો છે. નિયમનકારે જણાવ્યં છે કે, કંપની તેના ઘણા ઉત્પાદનો પર 100 ટકા કુદરતી, 100 ટકા શુદ્ધ અને 100 ટકા ઓર્ગેનિક જેવા દાવા કરી રહી હતી, જે નિયમો સાથે અસંગત હોવાનું જાણવા મળ્યું હતું. FASSAIએ કંપનીને આવા તમામ ઉત્પાદનોનું વેચાણ તાત્કાલિક બંધ કરવાનો અને 15 દિવસની અંદર લેવામાં આવેલી કાર્યવાહીનો અહેવાલ રજૂ કરવાનો નિર્દેશ આપ્યો છે. FASSAIએ કંપનીને તેના ઘણા ખાદ્ય ઉત્પાદનોનું વેચાણ તાત્કાલિક બંધ કરવાનો નિર્દેશ આપ્યો છે. નિયમનકારે જણાવ્યું છે કે, કંપની તેના ઉત્પાદનો પર એવા દાવા કરી રહી હતી, જે ગ્રાહકોને ગેરમાર્ગે દોરી શકે છે અને હાલના નિયમો સાથે અસંગત છે. ડાબર તેની વેબસાઇટ અને કેટલાક ઉત્પાદનો જે દાવા કરી રહ્યું છે તેને નિયમનકારોએ દાવાઓને અસ્પષ્ટ કહ્યા છે. કંપનીઓએ 100 ટકા શુદ્ધતાના દાવાએ પણ નિયમોનું ઉલ્લંઘન કર્યુ છે. FASSAIએ ડાબર ઇન્ડિયાને 15 દિવસની અંદર રિપોર્ટ કરવા નિર્દેશ આપ્યો છે, જેનો રિપોર્ટ સબમીટ કરવાનો રહેશે.

વધુ વાંચો
સ્ટાર્ટઅપ્સ

ફંડિંગ નહીં, વિશ્વાસ બનાવોઃ અનિલ અગ્રવાલની સ્ટાર્ટઅપ્સને સલાહ

છેલ્લા કેટલાક વર્ષોથી ભારતમાં સ્ટાર્ટઅપ્સની રેસ લાગી છે, જેમાં યુનિકોર્ન અને વેલ્યુએશન માટેની ચાલી રહેલી લડાઇ વચ્ચે ઉદ્યોગપતિ અનિલ અગ્રવાલે સલાહ આપી છે કે વ્યવસાય માટે મુલ્યાંકન જરૂરી છે, પણ તે સફળતાનું માપદંડ ગણી ન શકાય. જે ગ્રાહકોની સમસ્યાઓનો ઉકેલ લાવે તે જ કંપનીઓ સફળ થતી જોવા મળે છે.

વધુ વાંચો
ઇલેક્ટ્રૉનિક્સ

2029 સુધી ઇલેકટ્રોનિક્સ પાર્ટસ પર કસ્ટમ ડ્યુટી માફ

દેશમાં ઇલેકટ્રોનિક્સ પાર્ટના ઉત્પાદનમાં આવતા પાર્ટસ પરની મુળભૂત કસ્ટમ ડ્યુટી આગામી 2029ના વર્ષ સુધી માફ રહેશે. આ પાર્ટસનો ઉપયોગ સ્માર્ટ ટીવી, સ્માર્ટ વોચ, કમ્પ્યુટર, વાયરલેસ ચાર્જર, સ્માર્ટ ફોન, લેપટોપ, ફિટનેસ બેન્ડ સહિતના અન્ય ઇલેકટ્રોનિક્સ આઇટમો બનાવવામાં થાય છે. આ ઉપરાંત, કેન્દ્ર સરકાર દ્વારા ચલાવવામાં આવતી પીએળઆઇ સ્કીમ હેઠળ સ્થાનિક ઉત્પાદનને પ્રોત્સાહન આપવા માટે આ નિર્ણય લેવામાં આવ્યો છે.

વધુ વાંચો
બિઝનેસ ડેસ્ક

બિઝનેસ સમાચાર

બધું જુઓ
બિઝનેસ

રૂપિયામાં જબરદસ્ત ઉછાળો, 94ની નીચે

છેલ્લા એક સપ્તાહથી રૂપિયામાં ધીમો સુધારો રહ્યો છે, જે ગઇકાલે રૂપિયો 94.50ની નીચે સરકી ગયો હતો, પરંતુ આજે 94ની નીચે ઉતરી ગયો છે. જે રૂપિયામાં સુંદર પ્રદર્શન જોવા મળ્યું હતું. જોકે, આજે રૂપિયાની શરૂઆત નબળી રહી હતી, જે…

6 Nov 2026 · 12:28 PM · 59વધુ વાંચો
બિઝનેસ

એમટીએફ ઇફેક્ટઃ સ્મોલ-મિડકેપ શેરોમાં ભારે ધોવાણ

છેલ્લા એક સપ્તાહથી બ્રોડર માર્કેટમાં ભારે વેચવાલી જોવા મળી રહી છે. ખાસ કરીને એમટીએફ- માર્જિન ટ્રેડિંગ ફેસિલિટીના કોલ ટ્રીગર થવાથી અસર જોવા મળી છે. એક બાજું જીયો પોલીટીકલ ટેન્શનના લીધે ક્રુડ ઓઇલના ભાવ ઉકળીને વધી રહ્યા…

23 Oct 2026 · 2:58 PM · 226વધુ વાંચો
બિઝનેસ

આઇડીબીઆઇ બેન્ક બાદ ચાર બેન્કોમાં હિસ્સેદારી વેચવા માટે તૈયારી શરૂ કરાઇ

ચાર બેન્કોમાં સરકાર હિસ્સેદારી ઘટાડીને 75 ટકા કરાશે, સેન્ટ્રલ બેન્ક અને આઇઓબીનું ખાનગીકરણ તરફ આગળ વધશે ભારત સરકાર ચાર જાહેર ક્ષેત્રની બેન્કોમાં પોતાનો હિસ્સો ઘટાડવાનું વિચારી રહી છે. એટલું જ નહીં કેટલીક જાહેર ક્ષેત્રની…

23 Oct 2026 · 11:30 AM · 79વધુ વાંચો
બિઝનેસ

મીડલ ઇસ્ટમાં તણાવ, બોન્ડ માર્કેટમાં ભૂકંપ

મીડલ ઇસ્ટમાં વધતા ભૌગોલિક રાજકીય તણાવ અને ક્રુડ ઓઇલના ભાવમાં અનિયંત્રિત વધારાને કારણે દેશની 10 વર્ષીય સરકારી બોન્ડ યીલ્ડ ત્રણ વર્ષની ઊંચી સપાટીએ 7.44 ટકા પર પહોંચી ગઇ છે. અગાઉનું સ્તર 10 માર્ચ, 2023ના રોજ જોવા મળ્યું…

22 Oct 2026 · 5:53 PM · 114વધુ વાંચો
બિઝનેસ

Jio IPO 100 મિનિટમાં ઓવરસબ્સ્ક્રાઇબ થયો, નવો રેકોર્ડ બનાવ્યો

જિયો પ્લેટફોર્મ્સના આઇપીઓએ તેના પહેલ જ દિવસે શેરબજારમાં ધૂમ મચાવી દીધી છે. દેશનો સૌથી મોટો આઇપીઓને રોકાણકારો તરફથી જબરદસ્ત પ્રતિસાદ સાંપડ્યો છે અને આ આઇપીઓ ખુલતાની સાથે જ છલકાઇ ગયો છે. શરૂઆતી 100 મિનિટમાં જ આઇપીઓ છલકાઇ…

21 Oct 2026 · 4:02 PM · 68વધુ વાંચો
બિઝનેસ

આ તો શરૂઆત છે, હજુય ત્રણ વખત રેપો રેટનો ડોઝ આવી શકે

ફેડરલ રિઝર્વ દ્વારા વ્યાજ દરમાં વધારો અને આગામી બેઠકમાં વધુ એક ફેડ રેટમાં વધારો થવાની સંભાવનાની પાછળ ભારતીય રિઝર્વ બેન્ક વ્યાજ દરમાં વધારો કરશે તેવું અનુમાન કરવામાં આવી રહ્યું હતું, અને તે અનુમાન સાચું ઠર્યુ છે. કેમ કે…

10 Oct 2026 · 3:42 PM · 120વધુ વાંચો
બિઝનેસ

ગાંધીનગરમાં સપ્ટેમ્બર 2027માં પ્લાસ્ટિક એક્સ્પો યોજાશે

ગુજરાત સ્ટેટ પ્લાસ્ટિક મેન્યુફેક્ચરર્સ એસોસિએશન દ્વારા શનિવારે તેની પ્રતિષ્ઠિત પ્લાસ્ટિક પ્રદર્શન PLEXPOINDIA’27ની 2027ની આવૃત્તિની જાહેરાત કરવામાં આવી હતી. આ એક્સ્પો આગામી સપ્ટેમ્બરમાં ગાંધીનગર સ્થિત હેલિપેડ એક્ઝિબિશન…

7 Oct 2026 · 8:57 PM · 186વધુ વાંચો
બિઝનેસ

10 વર્ષમાં પ્રથમ વખત એલપીજી ગ્રાહકોની સંખ્યા ઘટી

મીડલ ઇસ્ટના તણાવના કારણે એલપીજી પુરવઠો તંગ રહેતા ઓઇલ માર્કેટીંગ કંપનીઓ દ્વારા નવા એલપીજી કનેકશન આપવાનું બંધ કરવાની સાથે સરકાર તરફથી પીએનજી તરફ પ્રોત્સાહિત કરવા પર ભાર મુક્યો હોવાથી દેશમાં એલપીજી ગ્રાહકોની સંખ્યા છેલ્લા…

25 Sep 2026 · 4:13 PM · 138વધુ વાંચો